Te Wiki Tēnei o Te Reo Māori

22 July 2014

E whā ngā kupu Māori kei te tohu mākete a te Kaunihera o Pōneke – Me Heke Ki Pōneke. E mārama ana ēnei kupu ki a koe?

Skater at Kilbirnie Roller Disco.

Haere mai ki te Kanikani Kōneke ki Te Awa-a-Taia

Ko te wiki tēnei o Te Reo Māori – nā reira he pai kia whakamāramahia atu.

Ko Me Heke Ki Pōneke he kupu pōwhiri ki runga o Pōneke. E kī ana rā heke mai ki Pōneke titiro haere ai. Ka haere ngātahi ēnei kupu me ngā kupu Pākehā nei Absolutely Positively Wellington kia tū tika ai. Me heke mai anō rā – ka pai tēnei taone ki a koe.

E toru rawa ngā kaupapa motuhake nei mō te whānau hei whakanui i te Wiki o Te Reo Māori. Hei āpōpō (Wenerei te 23 o Hūrae) ko Toi te Reo te whakaaturanga kei Toi Pōneke. Ka tūwhera ngā whakaaturanga katoa tae noa ki te 10 karaka o te pō, he kore-utu, ka mutu ka whai wāhi ngā manuhiri katoa ki te uru ki tētahi mahi toi e arahina ana e te kaiwaihanga Māori nei a Johnson Witehira.

Hei te Paraire ko te Kanikani Kōneke ki Te Awa-a-Tāia kei te Pokapū Hākinakina o Whātaitai (Kilbirnie Recreation Centre), hei te hāpāhi i te ono ki te iwa karaka o te pō. Mauria mai ō hū reti ko ngā taraihikara tamariki rānei me te herengi koura hei koha (kāore I te whakaaehia te paihikara te papa reti rānei). He hū reti anō kei reira hei rēti.

Hei te Rāhoroi ko Te Kōnohete kore-utu o ngā kapa haka tari kāwanatanga, kei te whare o Hēti 6 (Shed 6) kei te wāpu hei te 2 ki te 6 karaka o te ahiahi. Ko te kapa haka a te Kaunihera tonu, arā ko Me Heke Ki Pōneke tētahi o ngā rōpū 16 ka whakangahau mai.

Hei tēnei wiki hoki he reo rua te whārangi kāinga o tā mātou ipurangi. Nā reira peka mai ki Wellington.govt.nz hei whakmātautau mai. Ko ngā waituhi o te whārangi kāinga i tangohia mai i te peita Waituhi a Johnson Witehira i tuhia inākuanei i te ara Whare Opera.

Johnson Witehira, Waituhi, Mural, Opera House Lane.

Johnson Witehira, Waituhi, mural, Opera House Lane

Ko te kaupapa o Te Wiki o Te Reo Māori 2014 ko Te Kupu o te Wiki. He wero tēnei kaupapa kia akona kotahi kupu Māori hou ia wiki mō te 50 wiki. Ko te kupu mō tēnei wiki ko ‘āpōpō’, engari kaua e waiho mō āpōpō rawa tīmata ai te ako kupu hou. Kimihia mai he ‘kupu o te wiki’ ki koreromaori.co.nz

Hei whai whakamāramatanga anō mō ngā kaupapa o Te Wiki o Te Reo Māori, peka ki Wellington.govt.nz/events