Matariki ki Pōneke 2018 - Te Reo version

Nau mai, haere mai koutou ko tō whānau whānui ki te whakanui i a Matariki, te Tau Hou Māori.

Girl reaching for the stars -

Ka whakanuia a Matariki ki Pōneke 2018 ki ēnei kaupapa utukore e whai ake nei i ngā marama o Pipiri me Hōngongoi 2018.

Woman in white from ReCut June 2017: Toni Huata  - photo: Stephen A'Court.
Resize

ReCut 5

Paraire 15 Pipiri, 5.35pm
Ka riro mā ReCut 5 e whakatuwhera ngā kaupapa whakanui mō Matariki – he kaupapa auaha hei whakatairanga i tō Pōneke āhua motuhake. Haere mai koutou ko te whānau ko ngā hoa hoki ki Bring Civic Square kia tae mai rawa i 5.35PM . Whai muri i tēnei kaupapa ko Hika Ahi ki Te Papa (tirohia i raro nei ). He kōrero anō mō ReCut here.

Rā hikinga: Rāhoroi 16 Pipiri, 5.35pm

Promotional image for Ahi Ka.

Adrian Wagner & Horomona Horo. Whakaahua: Mikel Taylor

Ahi Kā

Paraire 29 Pipiri, 6pm– 10pm
Heke mai koutou ki Odlins Plaza me te Hāpua o Whairepo mō tēnei kaupapa hou o tātou, ko Ahi Kā. Haere mai ki te whakanui, ki te ako hoki i ngā kōrero mō te Tau Hou Māori me te ahi, te kai, ngā hoa me ngā whānau. Kia mātaki i ngā kaiwhakangahau kairangi, ngā kaikōrero pūrākau kairangi hoki, me te tira kōrama rerehua a ngā kura o tēnei rohe.

He hāngi, he kaingohengohe kōhiku, he ahi i runga i te wai, ngā mahi toi me te ahi mumura – tūturu, he kaupapa tēnei mā te whānau katoa.

Rā hikinga: Rāhoroi 30 Pipiri, 6pm–10pm

Mō ngā wā me ngā atamira o ia whakaaturanga titiro mai: te hōtaka mō Ahi Kā.


Matariki fireworks.

Wellington Sky Show

Rāhoroi 14 Hōngoingoi, 6.30-6.40pm
Hei whakakapi i tā tātou whakanui i a Matariki ko te Wellington Sky Show ki te tahamoana o Pōneke. Hei konei ka mumura mai ai te Whanganui a Tara ki tētahi whakaaturanga pahū ahi whakahirahira..

Rā hikinga: Rātapu 15 Hōngongoi, 6.30pm

Ētahi atu Kaupapa o Matariki

Arā ētahi atu kaupapa huri noa i te tāone hei whakanui i a Matariki.

Hika Ahi– Matariki Community Ritual and Celebration: Paraire 15 Pipiri, 7pm– 8.30pm
Nau mai! Haere mai! Haere mai kia whai wāhi ki tēnei tikanga ā-hapori mō te whānau hei whakanui i te tangata me te wāhi, hei whakamihi hoki i te rerenga mātua o Matariki me te Tau Hou Māori. Ka tū tēnei kaupapa utukore ki Outdoor Ampitheatre o Te Papa (Kēti Whero, kei te taha mauī o te kuhunga matua). Mā tēnei tikanga ā-hapori e whakatuwhera ngā kaupapa a Te Papa hei whakanui i a Matariki. Mō ētahi kōrero tirohia tā Te Papa website.

Matariki Harbour Challenge: Rāhoroi 23 Pipiri
He kaupapa waka ama ka whakahaeretia e Hikoikoi Waka Ama Club. Hei tēnei tau ko te whakaatu, ko te whakanui hoki i ngā tikanga me ngā mātauranga Māori, mai te wharaunga moana ki ngā kai. Hei runga i ngā wai o Te Whanganui a Tara i waho atu i Te Wharewaka o Pōneke. Mō ētahi kōrero haere ki Hikoikoi Waka Ama Club's websiteme Facebook.

Taikura Kapa Haka 2018: 23 me 24 Pipiri, 10am–5pm
Ko tōna ingoa i mua ko Kaumātua Kapa Haka. Haere mai ki Te Papa, ki reira whakanui ai i ngā mahi haka, waiata hoki a ngā rōpū Taikura nō ngā rohe o Aotearoa. Mō ētahi atu kōrero tirohia Te Papa's website.

OneOne: 29 me 30 Pipiri, 7pm–10pm
Haere mai ki tēnei whakaurunga toi kanikani o AV/live nā te tohunga toi ikeike o Aotearoa, tohunga rongonui hoki ko Daniel Belton me Good Arts Company. He whakaaturanga manarū hāngai tonu ki te wairua o Matariki. Whakahaeretia ai tēnei whakaaturanga mō ngā pō e rua i te pito rāwhiti o Te Papa Promenade.