He whenua, he tāngata, he whanaungatanga

Cr Jill Day in hongi with local iwi.

Whakarite Whakaaetanga me ngā Iwi

E kaha ana te whakawhanaungatanga a Te Kaunihera o Pōneke ki ngā iwi tangata whenua, e mihi ana hoki mātou ki tō rātou atawhai mai i ngā tāngata o Pōneke.

Nō te Maehe o te tau 2017, ka haina houtia e Te Kaunihera me ngā Iwi tangata whenua he Whakaritenga Whakaaetanga me Taranaki Whānui ki Te Upoko o Te Ika (Taranaki Whānui), ā, he Whakaritenga Whakaaetanga me Te Rūnanga o Toa Rangatira (Toa Rangatira).

Hei kaupapa mahi tahi te whakaaetanga a ngā rōpū ā-Iwi me te Kaunihera, e whai wāhi mai ai ki ngā whakatau a te Kaunihera, ā, ki te ārahi hoki i ngā tāngata whenua i ngā rā o muri iho nei. 

E kī ana te Whakaaetanga me Taranaki Whānui: Wehea Taitea Kia Tū, Ko Te Iho. Arā waiho ngā take iti kia hāngai whakamua te titiro e whai hua ai ngā rōpū e rua.

Ko te Whakaaetanga me Toa Rangatira e kī ana: Tū Kotahi Tātou – E whai hua ai te katoa. 

Kotahi tō mātou whāinga ngātahi – kia whai hua ai ngā iwi, i roto i te whakaaro whānui, mō ngā uri whakaheke. 

Kei ngā rōpū katoa ināianei kia mahi tahi kia mārama ai ki te katoa me ō tātou hapori, hei oranga roa mō te katoa, he tangata, he tangata, he tangata.

Whakarite Whakaaetanga

Tohu

Te Tauihu – Kaupapa Here Te Reo Māori

Koia kei te hiahia mātou kia tū a Pōneke hei tāone reo Māori. He taonga te reo, nō reira me rauhī, me rauhī, me poipoi kia tipu kia rea. Tērā kua whakawhanake mātou he Kaupapa Here Te Reo Māori (900KB PDF)

Ka whakawhanake i te mahere mahi kia mōhio ai tātou me pēhea te tutuki i te kaupapa here.