Matariki - Te Reo version

Ko Matariki, te ingoa Māori mo te kāhui whetū e whitu, e whanake mai te pāwhakarua i mua atu i te haeata i a Pipiri.

Fireworks over Wellington harbour.

Matariki

Resize

I ngā tātai arorangi o te ao Pākehā, mōhitia ai ko Pleiades, ā, ko tōna āhua, ko te pokohiwi o te pūru Taurus.

Ka tohu a Matariki i te tīmatatanga o tētahi wāhanga hou o te oranga. He wā whakanui tēnei ki te Māori, te tangata whenua, ngā tāngata tuatahi rānei ki Aotearoa.

He wā nui tēnei i te māramataka Māori, ā, he hāngai hoki ki te tīmatanga o te wā makariri, te wā e kī ana te pātaka kai, ā, kei te noho tūpuhi te Whenua.

He aha ngā mahi i te wā o Matariki

He wā whakanui a Matariki i te tangata, i te reo, i te wairuatanga me te hītori. He wā whakaemi ai ngā hunga tāngata ki te kai tahi, karakia tahi, whakangahau tahi, manaaki tahi me te whakawhitiwhiti mātauranga.

Ia tau, ia tau, kī katoa te marama o Pipiri i ngā kaupapa whakanui i a Matariki, tae noa ki ēnei:

  • whare tapere, pukuhohe, pūoro me te kanikani
  • mahi toi, tae noa ki te mahi whakairo me te raranga
  • whaikōrero me te kōrero paki ka tū ki ngā pokapū hapori me ngā whare mātai arorangi, te tuku i te mātauranga me te hītori
  • ngā whakahaerenga taketake
  • ngohe whānau
  • ngohe i runga i te whenua, tae noa ki te hīkoikoi ngahere me te whakatō rākau Māori

Ngā tauwhāinga o Matariki 2017

Ngā whāpapā mumura o Matariki

Āhea: Rāhoroi te 24 o Pīpiri 2017, 6.30pm
Kei hea: Kei te ara mātai moana o Te Papa, kei Te Whanganui ā-Tara

Ārahina mai tō whānau me ō hoa ki te ākau ki ngā whāpapā e mumura ai te rangi ki runga o Pōneke moana hei whakanui i te paki o Matariki.

Mehemea pōkēao ana te rangi ā te Rāhoroi te 24 o Pipiri ka hīkina te kaupapa mō te Rātapu te 25 o Pipiri.

Hui whakanui Matariki 2017

Āhea: 16 – 25 o Pipiri 2017
Kei hea: Kei te Papa Tongarewa o Aōtearoa

Ka whakanuia Matariki e Te Papa hei te 16 ki te 25 o Pipiri me ngā kaupapa ngahau ā-whānau. Ko te whāinga kia ngahau, kia akoako, kia kai hoki e huihui mai ai te hapori ki tēnei wā nui o te tau.

Ko ētahi kaupapa nui i te tau 2017 ko te pō whakatūwhera kei te ākau, ko ngā whakaaturanga tunu kai, ko ngā whakaaturanga kanikani me ngā pakiwaitara, tae noa ki te Kapa Haka rongonui o ngā Kaumātua.

Whakaaturanga Matariki

Āhea: Tae noa ki te Rāhoroi 24 o Pipiri 2017
Kei hea: Whare whakaatu o Toi Pōneke

Pūkana whakarunga! 

Pūkana whakararo! Ngā mahi toi o te wā nei a ngā kaimahi toi Māori rongonui me ngā ihu manea ka whakaatu ngātahitia me ngā taonga ā-ipurangi a Te Papa Tongarewa o Aotearoa, i runga i ngā waea pūkoro a ngā manuhiri.

Ko ētahi o ngā kaimahi toi ko Reweti Arapere rātou ko Lonnie Hutchinson, Kauri Hawkins, Stevei Houkamau, Robyn Kahukiwa, James Lainchbury, Reuben Paterson, ko Ngatai Taepa.

He whakamārama anō kei toiponeke.nz

WAITUHI kaupapa toi tūmatanui

Kia mataara ki ngā mahi toi o WAITUHI i tēnei tau kei runga i ngā haki kei te Papa Rēhia o Frank Kitts me te Whare o Toi Pōneke.

Mā tēnei kaupapa toi tūmatanui ā-tau e whānui ake ai ngā kaupapa o Matariki, ki tua atu i ngā wāhi whakaatu o ngā whare whakaatu, ngā whare taonga, me ngā whare whakaari.

Ētahi atu whakamārama

Mō ētahi atu whakamārama mō ngā kaupapa whakanui Matariki o Pōneke titiro ki matarikirising.com

Te rapu i a Matariki

Me titiro i ngā rā whakamutunga o Haratua, ngā rā tōmua rānei o Pipiri mō Matariki ka maiangi ake i te tahatū whakarua o te rangi, te wāhi whiti mai te rā.

Ko te wā pai rawa atu ki te kite i a Matariki, ko te hāwhe hāora i mua i te haeata.

Ka tirohia a Matariki mō ngā tohu mō te tau e tū mai ana. Mehemea ka mārama, ka kānapanapa te tiaho, he tohu ka mōhiotia he tau mahana, he nui te kai. Mēnā kei te kōrehurehu, kei te koroirangi, he tau makariri, he tau kore kai.

Matariki me te tau hou Māori

Ka tohu a Matariki i te tīmatatanga o te tau hou Māori. Whakanui ai te nuinga o ngā iwi Māori i a Matariki, oti rā, ka hāngai ki ngā tikanga a te iwi, ā, ka tīmataria te tau hou mā ngā momo kaupapa pēnei:

  • te kitenga tuatahi o te maiangitanga ake o Matariki
  • te whitinga o te kōwhiti whai muri i te kiteatanga o Matariki
  • te whitinga o te ōturu whai muri i te kiteatanga o Matariki

He wā te Tau Hou Māori ki te:

  • huritao, ki te whakamihi me te whakanui i te tau kua hori
  • whakaatu manaakitanga mō te whenua me te whai akoranga mō te whenua e noho nei tātou
  • te ako i te whakapapa o te hunga kua whiti ki tua o te ārai, me ngā tukuihotanga i whakarerea mai e rātou mā
  • huri ki ngā rā kei mua - whakatau i te reanga hou ki te ao me te whakatakoto mahere mō te tau e tū mai ana

Matariki me ngā pūrākau Māori

Mai rā anō, e rua kē ngā whakamārama mō Matariki: ko mata-riki (ngā kamo riki), ko te mata-ariki (kamo o ngā atua) rānei

E kōrero ana ngā pūrākau Māori mō te wā i kaha māwehetia a Ranginui rāua ko Papatūānuku e ō rāua tamariki.

Ka riri rawa a Tāwhirimātea, te atua o ngā hau, ka nanatu i ōna kamo, ka porowhiua ki te rangi, ā, ki reira iri ai mō ake tonu atu

Ngā kōrero o mua mō Matariki

He mahi hira te mahi whakanui i a Matariki i mua i te haerenga mai o te Pākehā ki Aotearoa. Ka mimiti haere ngā mahi whakanui, tae noa ki ngā tau 1940, te wā i mōhiotia ai te taiopenga taketake whakamutunga i tū. Nō te tīmatatanga o te rautau 21, i whakaoratia anō ngā mahi whakanui i a Matariki ki Aotearoa.

Matariki whiti noa i te ao

Kitea ai ngā whetū e whitu o Matariki huri noa i te ao, ā, mōhiotia ai te kāhui nei hei mea matua mō ngā kaumoana i ngā mahi whakatere waka. Kei roto i te maha o ngā ahurea, ā, ka tū hei tohu whakahirahira mō te whakanuitanga wā tau, huri noa i te ao.

Ki Ūropi: Ko Pleiades te ingoa mō te kāhui, kīia ai ko ngā tamāhine e whitu ā Atlas rāua ko Pleone. Ki Kariki, anga ai te maha o ngā temepara matua, hāngai tōtika atu ki a Matariki, pērā anō ki te Stonehenge ki Ingarangi.

Ngā Ahurea Māori, Te Moana-nui-a-Kiwa hoki: Kei roto i ngā pūrākau Māori me ngā pūrākau o te Moana-nui-a-Kiwa, kōrerohia ai a Matariki hei whānau kāhui, ko te māmā me ōna tamāhine e karapoti ana i a ia.

Hapani: Ki Hapani, mōhiotia ai a Matariki ko Subaru

Ētahi Atu: Whakanuitia ai a Matariki e ngā tāngata o Āwherika, ngā Inia o Amerika, ngā iwi taketake o Ahitereiria, ngā Hainamana me ngā Viking.

Ko te whakakotahitanga, mahi hauhake me te whakatō kai, poroporoaki me te whakamihi tīpuna, me te titiro whakamua, ngā kaupapa katoa o ēnei whakanuitanga.